तू जशी होतीस तशीच
अल्लड अवखळ आणि निरागस
तोच अंदाज असावा
तीच सुंदरता ठासून भरलेली
थोडीशी रुसलेली
थोडीशी हसलेली
चेहरा असावा तसाच
लाजरा बूजरा
केसात माळलेला असावा
अबोलीचा गजरा
तुझ्या सुंदर मुखड्याला
शोभून दिसणारा
ज्या ठिकाणी आपण
पहिल्यांदा भेटलो
तिथेच तू यावेस
मी तुला पाहिन
तू मला पहावेस
तुला मी मला तू
डोळ्यात साठवावे
गतकाळातील क्षण
पुन्हा आठवावे
सांग ना मला
तू पुन्हा येशील का?
एकदा तरी माझी भेट
घेशील का?
