🍁വാക പൂത്തയിടം🍁 (02)

ഭാഗം.2

©വാക🍁

Copyright protected @entetoolika (വാക🍁)

ഫസ്റ്റ് പീരിയഡ് സർ ഇറങ്ങിയതും അപ്പുറത്തിരിക്കുന്ന കുട്ടി നിളയെ ഒന്ന് തോണ്ടി...

നിള അവൾക്കൊന്ന് പുഞ്ചിരിച്ചു കൊടുത്തു.. കാണാൻ തന്നെ നല്ല ഭംഗിയുള്ള ഒരു ഉമ്മച്ചിക്കുട്ടി...

"എന്താ നിന്റെ പേര്... ഞാൻ നിള..."

"ഞാൻ ഫിദ... ഇവിടെ വന്നപ്പോ ആരെയും അറിയില്ല... അപ്പോഴാ താനും ഒറ്റക്കിരിക്കുന്നത് ശ്രദ്ധിച്ചത്... അതാ ഉടനെ തന്റെ അടുക്കൽ വന്നത്..."

"ഓഹ്... എനിക്കും ഇവിടെ ആരെയും പരിജയം ഇല്ല... എന്തായാലും നിന്നെ പരിചയപ്പെട്ടത് നന്നായി... ഒരു കൂട്ടായല്ലോ..."

അവർ രണ്ട് പേരും അങ്ങനെ ഓരോന്ന് സംസാരിച്ചിരുന്നു... ക്ലാസ്സിൽ സാർ ഒന്നും വരാത്തത് കൊണ്ട് തന്നെ നല്ല ബഹളം ആയിരുന്നു... പെട്ടെന്നാണ് വരാന്തയിലൂടെ കൊറേ കുട്ടികൾ ഒക്കെ ഓടുന്നത് കണ്ടത്... അത് കണ്ട ഉടനെ ക്ലാസ്സിലെ പിള്ളേരും അങ്ങോട്ട് ഓടി... നിളയും ഫിദയും കാര്യം എന്താണെന്ന് നോക്കാം എന്ന് പറഞ്ഞു വരാന്തയിൽ നിന്നു തന്നെ നോക്കി... അപ്പോഴാണ് താഴെ ഗ്രൗണ്ടിൽ അടി നടക്കുന്നത് കാണുന്നത്...

കണ്ടാൽ അറിയാം സീനിയർസ് ആണെന്ന്... രണ്ട് ടീം ആയിട്ടാണ് അടി നടക്കുന്നത്... എന്തിനാണെന്നോ... കാര്യം എന്താണെന്നോ ഒന്നും അവർക്ക് മനസ്സിലായില്ല...

നിളയുടെ നോട്ടം അപ്പോ അതിൽ ഒരുത്തന്നിട്ട് അടി കൊടുക്കുന്ന ആളെ ആയിരുന്നു.... സ്കൈ ബ്ലൂ ജീൻസ് ഷർട്ടും.. അതിലേക്ക് ഒരു കറുപ്പ് കരയുള്ള മുണ്ടും ഉടുത്ത ഒരാൾ... മുഖം കാണാൻ ഒരുപാട് ശ്രമിച്ചെങ്കിക്കും അത് സാധിച്ചില്ല....

പെട്ടെന്നാണ് അങ്ങോട്ട് പ്രിൻസിയും മറ്റു ടീച്ചേഴ്സും ഒക്കെ വന്നത്... അപ്പൊ തന്നെ ഞങ്ങൾക്കുള്ള സാറും വന്നു ഞങ്ങളോട് ക്ലാസ്സിൽ കയറാൻ പറഞ്ഞു... നിളക്ക് അപ്പഴും ആ ആളെ കാണാൻ പറ്റാത്തതിൽ ആയിരുന്നു...

ക്ലാസ്സിൽ കുട്ടികൾ ഒക്കെ അടിയുടെ കാരണം അങ്ങോട്ടും ഇങ്ങോട്ടും ചർച്ച ചെയ്യുമ്പോഴൊക്കെ നിളയുടെ മനസ്സിൽ നേരത്തെ അടി ഉണ്ടാക്കിയ ആൾ തന്നെ ആയിരുന്നു.. അതാരാണെന്ന് അറിയാൻ ആഗ്രഹം ഉണ്ടായിരുന്നെങ്കിലും ഫിദയോട് പോലും അതിനെ കുറിച് ഒന്നും അവൾ പറയുകയും ചോദിക്കുകയും ചെയ്തില്ല... ഇനി അത് പറഞ്ഞു അവൾ തന്നെ തെറ്റിദ്ധരിക്കണ്ട എന്ന് കരുതി തന്നെ ആയിരുന്നു...

അന്ന് ഫസ്റ്റ് ഡേ ആയതുകൊണ്ട് തന്നെ കോളേജ് ഉച്ചവരെ ഉണ്ടായിരുന്നുള്ളൂ... ക്ലാസ്സിൽ നിന്ന് ഇറങ്ങിയതും നിളയും ഫിദയും ലൈബ്രറിയിൽ പോകാം എന്നു പറഞ്ഞ് അങ്ങോട്ട് നടന്നു... പ്രിൻസി യുടെ ഓഫീസ് കടന്നു വേണം ലൈബ്രറിയിലേക്ക് പോവാൻ... ഓഫീസിൽ മുന്നിലെത്തിയതും കണ്ടു അവിടെ ഓഫീസിന് പുറത്തുനിൽക്കുന്ന നേരത്തെ അടി ഉണ്ടാക്കിയ സീനിയേഴ്സ്... അപ്പോഴാണ് നിള നേരത്തെ കണ്ട ആളെ ശ്രദ്ധിച്ചത്... അപ്പുറത്തു നിൽക്കുന്ന സാറിനോട് എന്തോ സംസാരിച്ചു നിൽക്കുകയായിരുന്നു ആൾ... മുഖത്ത് ശാന്തത ഉണ്ടെങ്കിലും  ആ കണ്ണുകളിലെ തീക്ഷ്ണത മനസ്സിലാക്കി എത്രത്തോളം ദേഷ്യം അവിടെ ഉണ്ടെന്ന്... നിളയും ഫിദയും അവരെ പാസ് ചെയ്തു പോയി... പോകുന്നപോക്കിൽ നീള ഒരു തവണ കൂടെ അവനെ തിരിഞ്ഞു നോക്കി

പെട്ടെന്ന് ആണ് ആൾ തന്റെ നേരെ മുഖം ഉയർത്തിയത്... തന്നെ കാണുന്നതിന് മുന്നേ നിള നേരെ നോക്കി പെട്ടെന്ന് മുന്നോട്ട് നടന്നു....

ലൈബ്രറിയിൽ കയറി ഓരോ ഷെൽഫുകളും വെറുതെ കണ്ണോടിച്ചു... താൻ ഒരുപാട് വായിച്ച ബുക്കുകളും വായിക്കാൻ ആഗ്രഹിച്ച ബുക്കുകളുമൊക്കെ അവൾ അതിൽ കണ്ടു... സമയം പോലെ എല്ലാം വായിച്ചു തീർക്കാം എന്ന് അവൾ വിചാരിച്ചു.... പെട്ടെന്ന് ആണ് അവിടെ ചുമരിൽ ഒട്ടിച്ച പോസ്റ്റർ നിള കണ്ടത്....

അവൾ അതിലൂടെ എല്ലാം ഒന്ന് കണ്ണോടിച്ചു....

ആവില്ല ഈ പാർട്ടിയെ തോൽപ്പിക്കാൻ... അതും ഞങ്ങളുടെ സഖാവ് ഉള്ളപ്പോൾ....

    -sfi കൂട്ടായ്മ..

അതിന് താഴെ ആയി ഓരോ ഭാരവാഹികളുടെയും പേരും ഫോട്ടോയും ഉണ്ട്... അപ്പോഴാണ് അവൾ അതിൽ നേരത്തെ കണ്ട ആളുടെ ഫോട്ടോ കണ്ടത്... അവളുടെ കണ്ണുകൾ അയാളുടെ പേരിലൂടെ വേഗത്തിൽ ചലിച്ചു ...

ലൈബ്രറിയിൽ നിന്ന് ഇറങ്ങുമ്പോൾ അവളുടെ നാവുകൾ വീണ്ടും ആ പേര് ഉരുവിട്ടു....

*വൈഷ്ണവ് മഹേശ്വർ*

തുടരും....

@entetoolika

അടുത്ത പാർട്ട്‌ കൂടെ പോസ്റ്റ്‌ ചെയ്തിട്ടുണ്ട്.... പെട്ടെന്ന് എഴുതിയത് ആണ്... ബോർ ആയെങ്കിൽ ക്ഷമിക്കണം... നെക്സ്റ്റ് റെഡി ആക്കാം... അടുത്തത് ഇനി എന്നാണെന്ന് പറയാൻ പറ്റില്ല... ചിലപ്പോ ഡിസംബർ 23 ന്ന് ശേഷം ആവും.. Exam അന്നേ തീരുകയുള്ളു... അതിന് മുന്നേ പോസ്റ്റ്‌ ചെയ്യാൻ പറ്റുവാണേൽ നോക്കാം... നെക്സ്റ്റ് വീക്ക്‌ ആണ് exam സ്റ്റാർട്ട്‌ ചെയുന്നത്... അതാണ് ഇങ്ങനെ വൈകുന്നത്...